--Ads--
Agtalinaed ti P733 million a pundo ti Office of the Vice President inton umay a tawen.
Daytoy ti kinuna ni Senador Grace Poe kalpasan ti final budget meeting ita nga aldaw.
Iti baet ti kiddaw dagiti dadduma a Senador a maipangato ti pundo a maipaay iti opisina ti bise presidente, kinuna ni Poe a masurot latta ti desisyon ti kaadoan.
Maipalagip nga idi Setyembre 12 ket inrekomendar ti House of Representatives ti pannakakissay ti P2.037 billion a proposed budget ti Office of the Vice President iti P733.198 million laeng.
Gapu iti daytoy, agarup P1.29 billion ti naikissay iti makidkiddaw a pundo para iti nasao nga opisina.
