Inwaragawag ni Department of Interior and Local Government (DILG) Secretary Jonvic Remulla a mangiwarasda kadagiti barangay tanod kadagit pampubliko a pagadalan tapno nainget a mabantayan dagiti umuneg ken rummuwat iti school premises ken dagos a marespondean iti kanito nga adda dagiti matiliwan nga mangiyunyuneg kadagiti armas iti pagadalan.
Nupay kasta, impaimana metten kadagiti pribado a pagadalan nu adaptarenda ti nasao a direktiba.
Panggep ti nasao nga addang a masigurado a saanen a maulit dagiti krimen iti uneg dagiti pagadalan.
Innayon pay daytoy nga adda metlaeng ti paplanoenda kadua ti Philippine National Police (PNP) a Quick Reaction Force a dagos nga agresponde kadagiti kapada nga isyu.
Impetteng met ni Remulla ti kinapateg ti nainget a gun control iti pagilian no sadino rumbeng a mapadagsen pay dagiti pannnusa kadagiti saan a naannad kadagiti servie firearms da.
