Naarestar ti maysa a radio broadcaster gapu iti inaramidna nga extortion iti maysa a politiko sadiay Valencia, Bukidnon.
Nabigbig ti broacaster iti nagan a Liezel a maatap a nagkiddaw iti PhP500,000 iti politiko nga agnagan iti Guillermo de Asis iti Barangay Lumbo.
Iti impormasyon nga imbiglay dagiti agents iti National Bureau of Investigation-Northern Mindanao, nagkiddaw ti suspect iti half-million peso iti biktima kasukat ti panagsardengna a mangbabalaw iti daytoy nu agprograma iti ere.
Sigun pay iti report, kinuna ti biktima iti suspect a saanna a kabaelan nga ipaay ti kiniddaw ti suspect a gatad.
Nupay kasta, kinunana nga inawat latta ti suspect ti Php350,000 a tawarna.
Sigun met kadagiti journalists a nakabase idiay Bukidnon,Cagayan de Oro ken Kidapawan,Cotabato, nakaawat dagitoy iti impormasyon a ti suspect ket nabayadan tapno agiwaragawag iti inuulbod kontra iti biktima a ni De Asis,maysa a city council nga agkankandidato iti kinamayor iti masungad nga eleksyon.
