LA TRINIDAD, BENGUET- Posible a maamuan iti Sabado, February 21 ti rason ti ipupusay ti maysa a lalaki a nasarakan iti pagmulaan ti Sayote sadiay Ambiong, La Trinidad, Benguet idi February 16, 2026.
Sigun kadagiti otoridad, maur-uray laengen ti resulta ti autopsiya.
Iti kaudian a report a naala ti Bombo Radyo, naduktalan babaen iti initial inspection ti Benguet Forensic Unit nga addaan iti visible wounds ti nasao a bangkay gapu iti sharp pointed object.
Malaksid iti dayta, nasarakan metlaeng ti sumagmamano a playing cards iti bulsa ti biktima.
Awan met ti nasarakan a napateg a kagawaan daytoy.
Maipalagip a sakbay ti insidente, nagiinum ti biktima ken ti kaduana a ni alyas “Kawi” agtawen iti 37, single, laborer, tubo iti Mt. Province ken residente sadiay Botiwtiw, Balili La Trinidad.
Kaduada metlaeng ti saan a naadakamat ti naganna a lalaki, agtawen iti 28, single, laborer, tubo ken residente iti nasao metlaeng a lugar.
Sigun kenni alyas “Kawi”, nagturongda iti napasamakan ti insidente idi Feb. 15 no sadino, nakitanna nga adda ti kakadua ti biktima nga agay-ayam iti baraha bayat nga agiinumda iti arak.
Dua kadagiti kadwa ti biktima ket nagbinningay iti capital ken nagserbi dagitoy a bangkero.
Sigun kenni Kawi, saan a nagkikinnaawan ti dua a bangkero gapu iti “tong.”
Nagtultuloy ti ay-ayam dagitoy agingga a napagdisiyonanda nga isardeng ti panagbarahada.
Nagawid dagiti dadduma bayat a nabati ti biktima ken ti maysa kadagiti kainumanda nga agtawen iti 28.
Iti kanayunan nga imbestigasion dagiti otoridad, inaklon ti agtawen iti 28 a naudi daytoy nga immikkat.
Nupay kasta, dagus metlaeng a simmurot kadagiti kakaduana.
Pinaglibakan ti agtawen iti 28 a naaddaan dagitoy iti saan a panagkinnaawatan iti biktima.
Sigun iti daytoy, immikkat iti napasamakan ti insidente nga awan ti saanda a nagkinnaawatan.
Kabayatanna, impeksa met ti sabali manen a lalaki a nagturung iti napasamakan ti insidente tapnu agay-ayam ken aginum.
Nupay kasta, imbati na metlaeng ti biktima ken dagiti tallo pay nga indibidual.
Iti initial paylaeng a panakiuman ti Bombo Radyo, awan ti nasarakan a weapon iti nakapsamakan ti insidente.
Malaksid iti dayta, awan metlaeng ti inya man a CCTV ken dara iti nasao a lugar.
Sigun kadagiti otoridad, tallo a sugat ti nasagrap ti biktima.
Ikonkonsidera dagiti otoridad a narigat ti nasao a kaso, nangruna ta awan ti agtistigo ken adayo iti babbalay ti napasamakan ti insidente.
Sigun pay kadagiti otoridad, posible a pinadas ti biktima nga agkiddaw iti tulong ngem natinnag iti pagmulaan ti sayote a nakasarakan ti bangkay daytoy.//Via Bombo Noveh Organo
