Inlawlawag ni Robert Macagba, Founding Chairman ti Brotherhood of Riders Advocating, Discipline, Equity and Safety Riding Group a maipawil a sumrek dagiti motorsiklo iti Session Road iti siudad ti Baguio gapu iti katulagan dagitoy.
Iti pannakiuman ti Bombo Radyo kenkuana, kinunana nga immunan a naimplementar iti siudad ti Baguio ti ordinansa a mangipawpawil a sumrek dagiti amin a motorsiklo iti siudad malaksid sadiay Burnham Park.
Kinunana a nakipagsarita dagitoy iti sigud a mayor rason a nakitinnawarda a mapatgan a sumrek dagiti motorsiklo iti siudad.
Napatgan met daytoy ngem ti laeng Session Road ti saan a mabalin a sumrekan dagiti motorsiklo.
Sigun kenni Macagba, awan ti aniaman nga ordinansa a mangipawpawil a sumrek dagiti motorsiklo iti Session Road no diket ti laeng ordinansa a naaprobaran ket maipawil a sumrek dagiti motorsiklo iti intero a siudad malaksid laeng iti Burnham Park.
Gapu iti dayta, kidkiddawenna kadagiti mangabak a kandidato iti siudad a baliwan wenno ikkaten ti nasao nga ordinansa agsipud ta mabalin latta daytoy a maiyemplementar iti aniaman nga oras.
