Impetteng ni Baguio City Councilor Betty Lourdes Tabanda nga awan ti biang ti executive council iti maipatpattakder a 5 star Hotel idiay Barangay Pucsusan, Baguio City.
Sigun kenkuana, awan ti biag ti city council gaputa naiturung daytoy iti Executive Offices.
Inlawlawag ni Councilor Tabanda a ti pannakaipattakder ti nasao a hotel ket dimmalan iti Executive Offices no sadino, ditoyda a mangala iti locational clearance, city planning, building permit, environmental compliance certificate ken dadduma pay.
Mapalubusan dagitoy nga ipadalan iti Executive Offices dagiti permit da la kitdi, adda dagitoy iti “Identified commercial zone.”
Gapu iti dayta, saanen a dimmalan daytoy iti City Council.
Inlawlawag pay ti nasao nga opisial a saan a dimmalan iti nasao nga opisina gaputa maysa a Hotel ken saan a subdivision ti maipatakder iti nasao a Barangay.
Sigun kenni Coucilor Tabanda, kasapulan a magna iti City council ti pannakaaramid ti masya a proyekto iti siudad, nangruna no daytoy ket maysa a subdivision bayat a saan a magna iti City Council no daytoy ket maysa a Hotel.
Iti baet dayta, naiturong iti City Council ti pakaseknan ti maipatpattakder a 5 star hotel idiay Barangay Pucsusan gapu iti naobserbaran a pannakadadael dagiti kayo sadiay.
Gapu iti dayta, manarimaan a suksukimatenda ti permit ti nasao a proyekto.
Inyunay-unay ti nasao nga opisial a nakibiangen dagitoy gapu kadagiti nadadael a kayo ken dagiti pakaseknan maipapan iti water sources.
Iti agdama, agtultuloy a suksukimaten ti City council no anya ti development ti nasao a proyekto gaputa apektado metlaeng dagiti dadduma a lugar sadiay.
Manarimaan metten ti imbestigasion ti Department of Environment and Natural Resources iti daytoy.//mp4
