Panggep ti maipatpatungpal a rat catching challenge iti Baguio City nga ikkaten wenno kissayan ti bilang dagiti otot iti Baguio City Public Market.
Iti panakiuman ti Bombo Radyo kenni Ceasar Emilio, Market Superintendent, ti rat catching challenge ket paset ti panagsagana iti umadanin a La Niña phenomenon tapno maliklikan dagiti aniaman a sakit nangruna ti Leptospirosis.
Sigun kenni Emilio, ti rat catching challenge ita a tawen ket nangrugi idi lunes, Mayo baente ken agleppas inton Agosto trentay uno ti agdama a tawen.
Immunan a naipatungpal daytoy idi tawen dos mil baente.
Adda met ti maipaay a papremyo kadagiti ado ti matiliwanda nga otot.
Maipan iti Market Office dagiti matiliw nga otot sakbay a maipaima iti city veterinary office para iti umno a disposisyon.
Kabayatanna, naiyun-unay met kadagiti stall owners a nasken a mintinarenda ti kinadalus ti pwesto dagitoy tapno saan daytoy a pagbalayan dagiti otot.//Bombo Mera Pacpacan
