Kidkiddawen ni Raul Lambino kenni President Ferdinand “Bongbong” Marcos Jr. a patgan ti Department of Foreign Affairs (DFA) a mangidaulo iti panangtaming iti agtultuloy a tension iti nagbaetan ti Pilipinas ken China iti West Philippine Sea imbes a ti Department of National Defense.
Iti maysa a press conference, intampok ni Lambino ti kinapateg ti diplomasia iti pannakarisut ti isyu ken pannakalapped ti “escalation”, nu sadinno, dinakamatna a ti panangipalubos iti defense department wenno ti Philippine Coast Guard a mangidaulo ket mabalin a mangpakaro iti tension.
Napaliiwna a ti agtultuloy a panagsasarita ket epektibo a nangkissay kadagiti tension ken rumbeng nga agtultuloy iti sidong ti panangidaulo ti DFA.
Intampok pay ni Lambino ti kinapateg ti regional cooperation ken impaganetgetna a rumbeng nga itunos ti Pilipinas ti foreign policy-na iti interes ti intero nga ASEAN.
