Kinumpirmar ni Interior and Local Government Secretary Jonvic Remulla a mannarimaan itan ti panangsarakda iti recruiter a nangimpluwensya iti Grade 9 a suspek iti school shooting idiay Banga, South Cotabato idi Setyembre 18.
Immunan nga kinumpirmar ni Remulla a naessem ken naimpluwensyaan ti Grade 9 shooter iti deep dark web no sadino mapadpadayawan dagiti indibidual a mangaramid iti anyaman a kita ti kinaranggas.
Sigun kenni Remulla, adda pay laeng iti uneg ti pagilian ti suspek ken nabigbigda metten ti lokasyon daytoy.
Insalaysayna a maatap a kinumbinsir ti nasao a recruiter ti suspek babaen iti panangimula iti panunot iti shooter a mangipaay iti ‘recognition’ ti panangipatungpalna iti nasao a krimen.
Kagidan dayta, imbinglay ni Remulla nga ikonkonsidera metlaeng ti gobyerno ti Pilipinas ti nalawlawa nga atensyon kadagiti kinaranggas a mapaspasamak kadagiti pagadalan iti pagilian pakairamanan ti posible a pananglimitar iti access dagiti menor-de-edad iti social media ken websites kas idiay pagilian nga Australia.
Kinidawna met kadagiti parentes nga imonitorda dagiti annakda ken obserbaranda nangnangruna nu adda dagiti online communities a pakipaspasetanda.
