Kinumpirmar ni Customs Deputy Chief of Staff Atty. Chris Bendijo a pinatawan ti Bureau of Customs (BOC) iti temporaryo a pannakasuspindir ti maysa nga opisyal ti port police idiay Zamboanga City ken ama ti estudyante a suspek iti school shooting iti uneg ti Ateneo de Zamboanga University junior high school campus itay agsapa.
Sigun kenni Bendijo, maipasuding iti imbestigasyon ti empleyado dagitoy tapno maduktalan ti responsibilidadna iti napasamak nga insidente.
Sigun ngamin iti imbestigasyon dagiti kapulisan, nadiskubreda a ti inaramat ti suspek nga estudyante a dua a paltog ket kukua ti ama daytoy, maysa a 9mm pistol ken maysa mga M16 riffle.
Saan metten a nangipaay pay ti kanayunan nga impormasyon ti kapulisan seknan iti pannakasuspindir ti ama ti suspek.
Immuna metten a kinumpirma ti Police Regional Office (PRO) 9 a dua nga estudyante pakairamanan ti mismo a shooter ti pimmusay gapu iti nasao nga insidente no sadino kinettelna ti bukodna a biyag kalpasan iti panagpalpaltog daytoy iti uneg ti campus. //kcs//
