Naduktalan iti ballistics ken autopsy a natamaan manipud iti adayo dagiti estudiante a pimmusay iti pamaltog a napasamak iti maysa a pagadalan sadiay Tacloban City.
Sigun iti PNP Regional Forensics Unit 8, nalpasen ti ballistics ken autopsy examinations kadagiti bangkay dagiti tallo a biktima.
Manarimaan metten ti panang-pinal dagitoy iti official report tapno maisubmitir iti case investigators.
Maibasar iti resulta, natamaan dagiti biktima manipud iti adayo no sadino, mangipasimudaag daytoy iti “random shooting.”
Sigun pay kadagiti otoridad, timmama dagiti bala iti vital organs dagiti biktima a nangitunda iti dagus nga ipupusay dagitoy.
Kabayatanna, kinuna Philippine National Police (PNP) a naituding a mangipila dagiti otoridad iti kaso kontra iti Pulis nga auntie ti suspek a ni alias “Nash”.
Sumango daytoy iti reklamo gapu iti panaglabsing iti Article 365 ti Revised Penal Code, wenno negligence.
Malaksid iti dayta, mabalin a maipila dagiti isu met laeng a kaso kontra iti Lolo ti 15-anyos a shootor.
