‘Imbinglay ni PCol. Lambert Suerte nga awan ti nairekord ti rehiyon Cordillera a criminal case nga involved ti kameng ti kapulisan ita a tawen.
Sigun kenkuana, National Capital Regional, Region 3, ken Region 4A dagiti rehiyon nga addaan kangatuan a rekord ti criminal case no sadino involved dagiti kameng ti kapulisan.
Nupay kasta, dinakamat ni PCol. Lambert Suerte nga adda dagiti impormasyon wenno report a naawat daytoy manipud rehiyon Cordillera ngem mannarimaan pay laeng ti beripikasyon dagitoy.
Innayon pay daytoy nga iti entiro a pagilian, dagiti sangapulo a kangrunaan a a kalukoan dagiti kapulisan ket: illegal gambling,extortion wenno panagkotong, Illegal drugs, Moonlighting, Irregularities in the performance of duty, pananglabsing iti Special Protection of Children Against Abuse, Exploitation, and Discrimination Act (RA 7610), pananglabsing iti Anti Violence Against Women and their Children Act of 2004, Grave Threat, Malversation; ken Smuggling no sadino higher ranking officials dagiti involved.
Sigun met iti DDO, kuwarta wenno ‘greed’ ti maysa kadagiti rason nu apay a makaaramid ti kalokoan ti maysa a pulis.
Inyunayunay met ni PCol. Lambert Suerte nga awan ti naiyanak a ‘loko-loko’ nu di ket maysa a contributor ditoy ti peer influence. //Bombo Noveh Organo
