Baguio City- Pinatibker ti pagilyan a Britanya wenno United Kingdom ti panangipaay iti suporta ken assistance iti pagilyan a Pilipinas kagiddan iti maika 80th Anniversary ti UK-Philippines diplomatic relations.
Sigun kenni Andrew Bowes, Political Counsellor ti British Embassy Manila, napapigsa pay ti relasyon ti UK ken Pilipinas nu sadino maiprioridad a pagtulungan ti dua a pagilyan dagiti programa a pagnumaran dagiti citizens dagitoy.
Innayon na pay a maysa ti suidad ti Baguio a supsuportaran ti British Embassy para iti nagduduma a programa kas iti climate action, imprastraktura, edukasyon ken good governance.
Maysa ti Mayors for Good Governance ti maipaayan importansya ti British Embassy nu sadino ditoy a mangibinsa ken mangipaay dagiti local officials a nagtaod iti nagduduma a paset ti pagilyan kadagiti best practices da tapno papigsain ti open government ken ital-o ti maysa a responsable, transparent ken participatory a serbisyo publiko.
Karaman pay nga impeksa ti opisyal ti tarigagay da a tulungan ti Baguio City Government para iti climate-resilient ken sustainable urban development programs.
Ti Britanya ket addaan iti Green Cities ken Infrastructure and Energy Programme, ken dioty a supsuportaran dabvti maisayangkat a feasibility study para iti Baguio Bulk Water Supply Project a makatulong para iti long term solution iti pagkasapulan ken naan-anay a supply ti danum ditoy lokalidad.
Napateg ti nasao a proyekto gapu iti dakkel a karit iti water security iti city of Pines kagiddan iti napartak nga urbanisasyon, epekto ti climate change ken panag-ngato ti demand ti danum.
Malaksid iti dayta ket naipanamanama pay ti agtultuloy nga assistance British Embassy iti creative industries ken cultural sector ti Baguio City babaen iti Connections through Culture ken ti Five Films for Freedom.
Pormal a napasingkedan ti diplomatic relations ti Pilipinas ken United Kingdom idi tawen 1946.
