Nangipaay ti Department of Social Welfare and Development -Cordillera (DSWD-CAR) iti tulong babaen iti SWAD Mountain Province kadagiti pamilya ti innem a pimmusay gapu iti gas poisoning a napasamak idiay Ampucao, Itogon, Benguet itay nabiit.
Pakabuklan a P60,000 ti naipaay iti innem a pamilya. Nangipaay met ti lokal a gobyerno ti Itogon iti kanayunan a P30,000 kas financial assistance ken dua a sako ti bagas iti tunggal pamilya kas panangsuporta daytoy.
Personal nga impaima dagiti mangibagbagi iti DSWD, lokal a gobyerno ti Itogon babaen iti Municipal Disaster Risk Reduction and Management (MDRRMO) ken Municipal Social Welfare and Development Office (MSWDO) kadua ti lokal a gobyerno ti Tadian ti assistance kadagiti pappamilya kabayatan a mabambantayan dagiti bangkay dagiti biktima.
Personal met nga inyebkas dagiti nangibagi iti nasao nga ahensya ken lokal a gobyerno ti pannakikagriknada kadagiti pamilya a pinanawag dagiti biktima.
