Nadutokan da Lanao del Sur 1st District Representative Zia Alonto Adiong ken Kabataan Representative Renee Co kas opisyal a pannakangiwat ti Kamara de Representantes para iti impeachment trial ni Vice President Sara Duterte iti Senado.
Kinumpirmar daytoy ni Lead Prosecutor Jinky Luistro iti press conference iti laeng kalman.
Sigun kenni Luistro, dagiti dua a mammanday-linteg ti mangiwaragawag kadagiti statement para iti panel ti lower house.
Nagkari met ni Representative Ading a dadaulo metlaeng ti House Committee on Suffrage ken mabigbigbig kas miyembro ti “Young Guns” bloc, nga ipresenta daytoy dagiti ebidensya a nalawag ken patas para iti interes ti publiko.
Kabayatanna, impetteng met ni Co, maysa kadagiti kaubingan a mammanday-linteg manipud iti minority ken Makabayan bloc, a tutokan daytoy ti sibubukel a proseso ti impeachment. //bombokaren.c.s
