Nakumpleton ti Philippine government partikular ti Justice department ti extradition case para kenni sigud a Negros Occidental Representative Arnie Teves.
Sigun kenni Department of Justice spokesperson Assistant Secretary Jose Dominic Clavano IV, inaramid ti gobyerno ti kabaelanna dagitoy tapno maisubmitir ken maaramid dagiti requirements a kidkiddawen ti Timor Leste government mainaig iti kaso ni Teves partikular ti kiddaw dagitoy nga extradition.
Inaklon ni Clavano nga adda ti gap wenno bimmayag sakbay a nakumpleto dagitoy gapu kadagiti dokumento, records ken pleadings nga insubmitirda iti Timor Leste government a kasapulan a mai-translate iti lengguahe a portuguese.
Kabayatanna, maur-urayen ti sungbat ti Timor Leste government mainaig iti daytoy.
Impasigurado ni Clavano a posible a ma-extradite ni Teves tapno agsubli iti pagilian inton sumaruno a lawas.
