Nagturongen ti rescue dog a ni Zuma kaduana ti amo na a ni Brett Mitchell idiay Sagada, Mountain Province tapno tumulong iti pannakasarak ti mapukpukaw a menor de edad a ni Sophia.
Maipalagip a timmulong metlaeng ni Zuma iti rescue and retrieval operation idiay Guisad Surong, Baguio City nu sadino agarup 13 ti nagaburan iti nargaay a daga.
Kabaelan ni Zuma a mangsarak iti tao babaen iti napisgsa a panagangot daytoy.
Immunan nga imbinglay ni PCapt. Bonifacio Fanged,Chief of Police ti Sagada Municipal Police Station iti Bombo Radyo a naireport a mapukpukaw ti nasao a menor de edad idi Agosto 8 no sadino sigun iti imbestigasyon dagitoy, killaat a nagpukaw kalpasan a nagturong ti biktima iti plantasyon ti sugarcane. Sakbay dayta, adda dagitoy iti pagtaengan ti maysa kadagiti barkada na tapno aginana.
Agtultuloy pay laeng ti panangsarak dagiti otoridad iti biktima.
Maipalagip a nagcool off ti operasyon dagiti operatiba gapu iti kiddaw dagiti elders iti nasao a lugar a mangisayangkat iti ritual para iti napasamak nga insidente. //bombokaren.c.sapirao
