--Ads--
Adu dagiti nagbakwit a residente manipod nagduduma a lugar iti Negros Occidental gapu iti pangta iti salun-at ti ashfall ken ti angot ti asupre kalpasan ti panagbettak ti Bulkang Kanlaon idi Hwebes ti malem.
Saan a bumaba iti 24 a babbarangay ti naapektaran manipod Negros Occidental pakairamanan ti La Carlota, Bago City, Hinigaran, Pontevedra, ken La Castellana.
Sigun iti maysa nga opisyal iti La Castellana, addaan paylaeng iti trauma dagiti residente manipod iti napalabas a panagbettak ti nasao a bulkan rason nga adu ti madandanagan.
Kabayatanna, nangipaay metten iti tulong ti maseknan a lokal a gobyerno kadagiti naapektaran a residente pakairamanan dagiti taraon ken hygiene kits.
