Agtultuloy ti kampanya dagiti otoridad iti Animal Welfare act iti siudad ti Baguio, nangruna ita nga adu dagiti maaw-awat dagitoy nga impormasion maipapan iti panakadangran ken panagpartika, nangruna kadagiti Aso.
Iti panakiyuman iti Bombo Radio kenni Boblee Tuazon, Local Animal Rights Advocate iti siudad ti Baguio, inaklonna nga adu dagiti karit a sangsangwen dagitoy iti panagkampanyada iti Animal Welfare Act, sumagmamano kadagitoy ti kinakurang iti pundo a para iti education maipapan iti pagimbagan dagiti dingwen, Law enforcement ken dadduma pay.
Kasaruno daytoy iti insidente ti animal cruelty a napasamak sadiay Purok 14A UP Village, Cypress, Irisan, Baguio City.
Sigun kenni Tuazon, ar-aramidenda amin dagiti kabaelanda a mangipaay iti pannakaamo iti publiko maipapan iti Animal Welfare Act.
Nupay kasta, adda payleng dagiti indibidual a saan nga agtungtungpal iti daytoy, no sadino sungmamano kadagitoy ti mangirason a ti panangpapatayda iti Aso ket paset iti ritual wenno kultura.
Iti baet daytoy, impaganetget ti nasao nga opisial a dakkel ti respetuenda iti Kultura iti Cordillera, nupay kasta panaglabsing iti linteg maipapan kadagati pagimbagan dagiti ayop ti panangpapatay iti Aso.
Kabayatanna, kidkidawen ti nasao nga opisial nga ipangpangruna iti Gobierno iti siudad iti Baguio ti nasao a linteg.//mp4
