Dadduma a mammanday-linteg ti mangidurduron iti pannakabigbig ti pimmusay a comedy icon a ni Dolphy kas National Artist.
Impila ni Manila 3rd District Representative Joel Chua ti House Resolution 41 idi Miyerkules, Hulio 9 wenno maysa nga aldaw sakbay ti pananglagip ti maika-31 a death anniversary ti komendiante.
Ti National Artist ket maysa kadagiti kangatuan a pammadayaw a maipapaay kadagiti indibidual a napateg ti bingayna iti Philippine arts and culture.
Nakalanad iti resolusion ti panangipatungpal ti panagdinggeg ti committee on Creative Industries and Basic Education & Culture tapno pormal a mainomina ti National Commission for Culture and the Arts ti pimmusay nga aktor a ni Rodolfo “Dolphy” Quizon Sr.
Pimmusay ti comedy King ti pelikula a Pilipino idi tawen 2012 gapu iti multiple organ failure.
Naitabon ti bangkayna iti Heritage Park idiay Taguig.
