Inwaragawag ti Malacañang a posible a mairuar ti resulta dagiti imbestigasion ti Independent Commission for Infrastructure (ICI) ita a bulan ti Pebrero.
Sigud kenni Palace Press Officer Undersecretary Atty. Claire Castro, maamuan ita a bulan ti resulta ti imbestigasion.
Nupay kasta, impettengna a maibasar daytoy iti bukodna a pannakaammo.
Ti nasao a report ti ICI ket mangipakita iti nagdur-asaran ti imbestigasion daytoy, sipud nangrugi ti operasyonda idi September 2025.
Kabayatanna, immuna a kinuna ti ICI a manipud September 15, 2025 agigga January 18, 2026, nakaisubmitir dagitoy iti siam a referrals iti Office of the Ombudsman.
Daytoy ket nakairamanan dagiti 65 nga indibidual.
Immuna a naisubmitir ti report iti Office of the Executive Secretary.
Maipalagip nga inwaragawag ni President Ferdinand Marcos Jr. a dandani nga agleppas ti trabaho ti ICI.
Innayon daytoy a naimbestigarandanen dagiti kasapulan a maibestigaran.
