BAGUIO CITY – Pagsagsaganaan dagiti retailer ti pailaw ti umadanin a panakarambak ti paskua ken baro a tawen.
Iti interview ti Bombo Radyo kenni Ms. Agnes Montoya, maysa a retailer, isagsaganadan ti pannakaiproseso dagiti papelasda tapno makapaglako dagitoy kadagiti fireworks ken dadduma pay.
Dinakamatna a nasken a dumar-ayda ti seminar ken nasken a marenew ti permit dagitoy.
Impeksa ni Montoya nga improsesoda dagiti papelesda idi napan a tawen ngem saan a napatgan ti kiddaw dagitoy nga aglako rason a naglakoda ti pailaw babaen iti online selling.
Sigun kenni Montoya, sangapulo laeng a retailer ti pailaw iti Baguio-Benguet ti addaan ti ligal a dokumento ngem ado dagiti aglaklako uray awananda ti kaskenan a dokumento.
Gapu iti daytoy, kidkiddawenna ti pammalubos ti lokal a gobyerno tapno agilako dagitoy ti pailaw inton Disyembre 29 agingga inton Disyembre 31 idiay Melvin Jones.
Impaganetgetna met a raemenda nu anya man ti agbalin a desisyon ni Mayor Benjamin Magalong iti kiddaw dagitoy.//Bombo Rosemarie Bulsao
