Imbutaktak ni Julie “Dondon” Patidongan, whistleblower iti kaso dagiti pannakapukaw a “Sabungero” a tinulungan ti maysa a retired judge ti grupo ti businessman Charlie “Atong” Ang a masulbar dagiti kaso a sangsangwen daytoy.
Sigun pay kenni Patidongan, tinulungan ti nasao a judge dagitoy tapno maabsuelto ti maysa kadagiti kaso dagitoy a konektado iti pannakapukaw ti nasurok a 30 a “Sabungeros”.
Impetteng ti nasao a whistleblower a ni Ang ti nangibaga a makaammo ti sigud a judge iti kaso da.
Imbutaktak metlaeng daytoy a dakkel ti impluensia ti nasao a sigud a judge iti judiciary.
Kabayatanna, kinuna ni Department of Justice Secretary Jesus Crispin Remulla a manarimaan ti imbestigasion ti Supreme Court kadagiti maatap a corrupt judges a posible nga adda ti pakainaigannda iti pannakapukaw dagiti “Sabungeros.”
