--Ads--
BAGUIO CITY – Pimmusay ti maysa a rider kalpasan a naaksidente sadiay Barangay San Juan, Tabuk Kalinga.
Nabigbig ti biktima a ni Charlie Wacdagan, 26 anyos, ken residente ti Purok Dato, Bulanao Norte
Maibasar iti report, naidungpar ti imanmaneho ti lalaki a motorsiklo iti maysa a trailer truck nga imanmaneho ni Sherwin Gabuyo, agtawen iti 34
Naamuan a sinabat ti motorsiklo ti truck ken naidungpar iti rear bumper a nangitunda iti pannakaipasirok ti biktima iti truck
Naitaray pay iti pagagasan ti biktima ngem naideklara kas dead on arrival gapu iti napasaranna a frontal, parietal, ken mental mandibular fracture.
