Dumanon iti 77, 910 a pamilya idiay Bicol, Western Visayas, ken Zamboanga Peninsula ti naapektaran bayat ti panagdalapus ti bagyong Kristine.
Sigun iti National Disaster Risk Reduction Management, 3,095 a pamilya ti agtatalinaed kadagiti evacuation centers bayat a 96 a pamilya met ti makikipagnaed kadagiti kabagyan dagitoy.
Malaksid iti dayta, tallo a tao ti mapukpukaw idiay Bicol region ken maysa nga indibidual ti naipadamag a nadangran.
Innayon pay ti nasao nga ahensya a mapaspasaran ti layos, panagregaay ti daga, ken vehicular accidents kadagiti nasao a rehiyon.
Dumanonen iti 57 a babbalay ti nadadael bayat a 49 kadagitoy ti partially damaged bayat a 8 met ti totally damaged.
Iti agdama, naipaayan metten dagiti sumagmamnano a biktima iti pinansiyal a tulong.
