BAGUIO CITY – Agsapsapol ti Environment and Management Bureau (EMB)-Cordillera kadagiti interesado nga agbalin a river marshals nga agbantay iti Balili River ken iti Bued River sadiay Tuba, Benguet.
Sigun kenni EMB-Cordillera regional director Reynaldo Digamo, agbalin a responsibilidad dagiti madutukan a river marshals ti agbantay kadagiti indibidual nga agbasbasura ken agrugrugit kadagiti nasao a karayan.
Nupay kasta, inlawlawagna a dagiti agserbi a river marshals ket “voluntary basis” kas paset ti rehabilitation efforts ti Balili ken Bued Water Quality Management Area.
Kinunana a sadiay La Trinidad ket nagboluntaryo ti Women’s Brigade ken ti The Guardians nga agserbi kas river marshals sadiay.
Innayonna nga iti Baguio City ket agsapsapol pay laeng ti City Environment, Parks and Management Office kadagiti volunteers nga agbantay jadagiti tributaries ti Balili River.
Kabayatanna, dinakamat pay ni Director Digamo a kasapulan a binulan nga agreport iti EMB-Cordillera dagiti nasao a river marshals tapnu maadal no epektibo ti addang dagitoy.
