--Ads--
Nagbalin a parikut ti road right of way iti panakaaramid ti drainage iti paset ti nargaay a riprap idiay Gabriela Silang Barangay, Baguio City.
Iti panakiuman ti Bombo Radyo kenni Engineer Irish Comila ti City Engineering Office, naitantan ti panakaileppas ti drainage gapu ta adda dagiti matamaan daytoy a boundaries iti nasao a lugar kasta metten dagiti water pipes rason a marigatan dagitoy nga agkali.
Nupay kasta, impasigurado ni Engr. Comila a makompleto ti konstruksyon agingga inton Agosto ita metlaeng a tawen.
Kagiddan dayta, agkidkiddaw met ti panakaawat ni Gabriela Silang Barangay Captain Orlando Basongit seknan iti nasao a konstruksyon iti nasao a lugar.//Bombo Jez lapizar
