BAGUIO CITY – Iyusuat ti Office of the City Mayor, Liga ng mga Barangay, Department of Trade and Industry ken Department of Agriculture ti Rolling Market Caravan kadagiti 128 a babbarangay ti siudad ti Baguio.
Agturong ti caravan iti 21 a nabigbig a disso ditoy siudad, partikular iti dua pulo a distrito ken iti Irisan Barangay.
Naituding a ti fixed schedule tunggal distrito ket tunggal Miyerkoles ken Sabado.
Maisayangkat met ti pilot launching kadagiti uppat a napili a disso inton April 3, partikular sadiay Irisan Covered Court, Bayan Park Covered Court, Loakan Apugan Covered Court ken Pacdal Covered Court.
Sarunuen daytoy ti regular a caravan mangrugi inton April 8.
Sigun iti lokal a gobyerno ti Baguio, babaen iti caravan ket maiyasideg kadagiti residente amin nga essentials goods kas kadagiti groserya, nateng, ikan, karne, bagas ken dadduma pay tapnu maprebentaran ti panagturong dagiti tattao iti ruar ti barangayda.
Masurot pay ti nainget a safety and health protocols kadagiti pakaisayangkatan ti caravan.
