Rumrumwar nga inaramat ni sigud nga House Speaker Martin Romualdez ti alokasyon daytoy para iti “for-later-release” tapno guyuguyen dagiti miembro iti Kamara nga agpirma iti impeachment complaint kontra kenni Vice President Sara Duterte.
Daytoy ti akusasyon ni sigud a Senate President Francis “Chiz” Escudero iti Senate Plenary Session.
Sigun kenni Senator Escudero, ti “for-later-release” ni Romualdez ket saan a mairuar sakbay iti eleksyon nu saan nga agpirma dagiti miembro iti Kamara iti nasao nga impeachment case.
Kinunana a dayta ti rason nu apay a kiniddawna ti prudence ken level-headedness wenno kinakalma kabayatan ti kinapudot idi ti isyu iti impeachment iti bise presidente gapu ta ammona a ti nasao a tignay ket saan a para iti accountability nu di ket para iti kinaagom wenno greed.
Maipalagip a kabayatan ti panagtakem ni Escudero kas dadaulo iti Senado ket naikeddeng ti panaka-archive dagiti articles of impeachment kontra iti bise presidente kasaruno ti panangideklara iti Korte Suprema iti daytoy nga unconstitutional.
Kabayatanna, kinuna met ni Romualdez a ti manifestation ni Escudero ket naibasar iti script dagiti DDS wenno Duterte Diehard Supporters ken nairanta daytoy para iti gandatna nga agbalin a kaalyado ni Vice President Duterte iti 2028 elections.
