Impakaamo ti Philippine Coast Guard (PCG) a masukatan ti nag-“heat” wenno bimmara a BRP Teresa Magbanua a naideploy iti asideg ti Bajo de Masinloc wenno Panatag Shoal idi kalman ti agsapa.
Daytoy ket gapu iti barko ti Chinese Coast Guard (CCG) a maaw-awagan a “monster ship” a nagtalinaed iti exclusive economic zone (EEZ) ti Pilipinas iti sangapulo nga aldaw.
Idi kalman, naimatangan ti nasao a barko iti 66.69 nautical miles iti baybay a paset ti Pundaquit, Zambales, nga aggargaraw iti asideg ti Bajo de Masinloc ken iti asideg iti baybay idiay Zambales.
Sigun iti Philippine Coast Guard (PCG), nangideployda ti barko ken aircraft tapno ballaagan ti Chinese Coast Guard (CCG) a pumanaw iti nasao a lugar, ngem nangideploy metlaeng ti China ti helicopter dagitoy.
Immunan a pinapanaw ti BRP Teresa Magbanua ti Chinese Coast Guard, ngem kinuna ti pannakangiwat ti Philippine Coast Guard (PCG) a ni WPS Commodore Jay Tarriela a nag-overheat ti barko ti Pilipinas.
Ti BRP Teresa Magbanua ket sukatan ti BRP Gabriela Silang, a dandani kagudua ti kadakkel ti monster ship.
