--Ads--
BAGUIO CITY – Maguyguyuguy dagiti running enthusiasts a makipaset iti Kalayaan Trail Run a maangay inton June 9, aldaw ti Sabado ditoy siudad ti Baguio.
Sigun kadagiti organizers ti aktibidad, maitampok iti running event ti 3-kilometer kiddie fun run/walk, 5-kilometer run para kadagiti natataengan ken ti 16-kilometer trail run.
Maisayangkat ti trail run kadagiti bantay ti Kadaclan, Loakan, Happy Hallow ken iti yellow trail ti John Hay.
Agnumar met iti nasao nga aktibidad dagiti pasyente iti Dialysis Center ti Baguio General Hospital and Medical Center.
Panggep pay ti aktibidad a makabukel ti ‘iconic annual event’ a maigiddan iti panakarambak ti Independence Day ti pagilian.
Makaawat iti cash prize dagiti mangabak iti nasao nga aktibidad.
