Nangiyuswat ti pagilian a Russia ti intercontinental ballistic missile manipod iti abagatan a rehion ti Astrakhan bayat ti panagatakeda iti Ukraine idi kalman ti agsapa, sigun iti air force ti Kyiv.
Ti panangiyuswat ti napigsa ken attidog a missile bayat ti gubat ket maibilang kas kaunaan a gundaway.
Ti panagatake ket napasamak kalpasan a nagaramat ti Ukraine ti missiles a nagtaud idiay Estados Unidos ken Britain tapno pasabugan ti puntiriada a lugar idiay Russia.
Kabayatanna, pinuntiria met ti Russia dagiti nagduduma pasdek iti central-eastern city ti Dnipro, sigun paylaeng ti airforce.
Saan a nalawag manipod iti statement nu anya ti pinuntiria ti intercontinental ballistic missile ken nu anya ti nadadael daytoy.
Rinibu a kilometro ti kaadayo dagiti missile ti kayana a madanon ken mabalin a mausar a mangitulod kadagiti nuclear warheads.
Nadadael ken naburak dagiti pito a cruise missiles ti Ukraine bayat ti panagatake.
