Saan a bumaba iti siam nga indibidwal ti pimmusay gapu iti record-breaking ken once-in-a-lifetime snowstorm a napasamak iti Gulf Coast idiay Estados Unidos partikular iti Texas agingga Florida.
Dagiti kaso iti ipupusay ket gapu iti storm-related traffic accidents ken hypothermia nga intunda iti napuskol a yelo.
Nasurok 1,600 flights idiay Estados Unidos ti nakanselar bayat a 1,765 dagiti naitantan sigun iti maysa nga online tracker flight sadiay.
Malaksid iti dayta, nasurok 108,000 a customers ti naawanan iti suplay iti kuryente nangruna idiay Georgia nga addaan iti 44,391 a naapektaran ken idiay Florida nga 35,435.
Sigun met iti National Weather Service, naartapan ti napasaran nga snowstorm ita idiay Florida ti rekord idi 1954 nga 4inches.
Malaksid iti Florida,Louisiana,Georgia ken South Carolina a nakairekord iti 8inches agingga iti 12inches nga snow, makapaspasar metlaeng dagiti kabangibang a lugar iti nalamiis unay a panawen kas iti New York nga iti agdama ket naipasidongen iti State of Calamity, ken dagiti sumagmamamano a paset iti Canada.
