Pinaglibakan ni Atty. Michael Poa, legal counsel ni Vice President Sara Duterte a ti masansan a panag-object ti defense team iti maika-dua nga aldaw ti impeachment trial ket legal tactics.
Kinunana a daytoy ket paset laeng ti regular court proceedings gapu ta adda dagiti saludsod nga objectionable.
Innayonna a trabaho ti abogado manipud iti defense ken iti prosecution nga ag-object.
Maipalagip nga idi kalman, Hulyo 7, idi impabuya ti prosecution team ti video evidence maipapan iti maatap a panangisawang ni VP Sara Duterte iti saan a nasayaat a sasao kontra kenni President Ferdinand Marcos Jr, nagsasaruno ti panag-object ti defense team babaen kenni Atty. Carlo Joaquin Narvasa.
Sigun iti defense team, misleading dagiti leading questions ni Atty. Amando Virgil Ligutan manipud iti prosecution team.
Impetteng met ni Atty. Poa a saan a maikonsidera daytoy kas legal tactic gapu ta narabaw laeng daytoy.
