Impeksa ti Public Order and Safety Division iti siudad ti Baguio a nainget latta ti panangipawilda iti panagmasahe iti Burnham park ita a holiday sessions.
Iti interview iti Bomobo Radyo kenni Daryll Kim Longid, mangidadaulo iti Public Order and Safety Division, kinuna na nga aramid daytoy dagiti tattao a nagapu iti dadduma a lugar.
Sigun kenni Longid, manaynayunan dagiti iligal a masahista iti burnham park agsiputa agay-ayab dagitoy iti kadwada manipud iti sabali a lugar.
Kabayatanna, kidkiddawen iti nasao nga opisial iti publiko a saanda nga agpamasahe tapno makatulong kadagitoy a mangpasardeng iti daytoy iti baet nga adda dagiti personel dagitoy nga agbanbantay agingga iti alas dies iti rabii.
Bilin pay ni Longid a dagus nga ipakaammo kadagiti otoridad iti Public Order and Safety Division (POSD) ken City Environment and Parks Management Office (CEPMO) Guards ken dadduma pay nga otoridad apaman nga adda dagiti mangipapilit nga agmasahe kadagitoy.//mp4
