--Ads--
Pinaglibakan ti National Capital Region Police Office (NCRPO) dagiti akusasyon a pinawilanda iti access ti abogado ken saanda nga impaayan ti kangrunaan a kasapulan kas iti taraon dagiti indibidual a naarestar kadagiti protesta itay nabiit.
Sigun iti nasao nga ahensya, agtuntungpalda iti umno a proseso iti panangimanehar kadagiti naarestar isu’t gapunna nga impettengna nga awna kinapudnona amin dagiti akusasyon.
Kagidan daytoy, inalukoy ti nasao nga ahensya ti publiko a siguradoenda a naberipikar dagiti impormasyon a basbasaenda iti social media.
Maipalagip a naarestar ti sumagmamano nga indibidual iti nagsuna a protesta idiay NCR kagidan iti panagrugi ti ASEAN Summit 2026 idi Domingo, Nobyembre 15, 2026.







