Natiliw ti maysa a pulis a lalaki iti gun buy-bust operation nga impatungpal ti Criminal Investigation and Detection Group (CIDG) iti siudad ti Baguio idi Oktubre 14, 2026.
Nakadestino daytoy iti National Capital Region Police Office (NCRPO) ken residente ti Tarlac City.
Maibasar iti impormasyon a nakalap ti Bombo Newsteam, pinadas ti suspek nga agilako iti maysa a Caliber 22 ken uppat a kahon ti 50 a pidaso ti bala nga awanan iti lisensiya wenno permit to possess.
Nakumpiskar metlaeng manipud kenkuana ti paltog daytoy ken sumagmamano a bala.
Kabayatanna, nagkedked dagiti awtoridad pakairamanan ti CIDG Baguio, CIDG Ifugao, CIDG-Cordillera a mangipaay iti kanayonan pay nga impormasion maipapan iti nasao nga insidente.
Sumangsango ti suspek iti kaso a panaglabsing iti Republic Act 10591 wenno Comprehensive Law on Firearms and Ammunition Regulation Act.
Iti agdama, ikagkagumaan pay ti Bombo Newsteam a mangala iti kanayunan nga impormasyon manipud kadagiti operating unit seknan iti nagdur-asan ti kaso.//Bombo Sais
