Awan pay ti naaw-awat a baro a warrant of arrest ti Criminal Investigation and Detection Group (CIDG) kontra kadagiti nangangato nga opisial iti gobierno iti baet dagiti report seknan iti posible a panangiruar dagiti korte iti nasao a pammilin.
Sigun kenni CIDG-NCR chief Col. John Guiagui, nakasagana ti Criminal Investigation and Detection Group nga ipatungpal ti aniaman a warrant nga iruar iti korte, ngem kasapulan latta iti nasayaat a panagsagana ken koordinasion iti Philippine National Police (PNP).
Kabayatanna, agtultuloy ti manhunt iti Criminal Investigation and Detection Group kontra kadagiti suspek iti mapapati nga iregularidad kadagiti flood control project, karaman ti sumagmamano a kameng iti Department of Public Works and Highways (DPWH) ken dagiti opisial iti Sunwest Corporation nga agtaltalinaed a masapsapul iti tengnga iti agdama a warrant of arrest.
