Ti prutas ken nateng ket karaman kadagiti kapatgan a taraon a masapol a kanen ti maysa nga indibidwal gapu ta dagitoy ti kangrunaan a pagtataudan iti sustansya para iti nasayaat a salun-at.
Nupay kasta, adu latta dagiti saan unay mangayat a mangan iti nateng ken prutas gapu ta ad-adda a kayatenda dagiti sabali a klase iti taraon.
Adda met dagiti daduma a talaga a saan a mabalin a mangan iti daytoy gapu ta maaddaanda iti allergic reaction.
Kas kenni Chloe Raisbeck, agtawen iti 27 a nadiagnose iti oral allergy syndrome-maysa a klase iti allegry a mabalin a matrigger iti pollen-derived substances.
Immuna a nadlawna ti sabali a reaksyon iti bagina kadagiti prutas ken nateng idi nangan daytoy iti Peach.
Idi damo a nagpaarayat ni Chloe ket impagarop dagiti daduma a saan a seryoso ti kondisyon daytoy agingga a nadlawna a kumarkaro ken nagturong iti doktor.
Idi nakumpirmar nga addaan daytoy iti oral allergy syndrome, niliklikannan a kanen dagiti sumagmamano a prutas ken nateng kas iti Apple, Peach, Plum, Nectarine, Cherry, Banana, Kiwi, Carrot, Spinach, Bell peppers, Almonds, ken daduma pay.
Inaklon ni Chloe a nagbalin a karit kenkuana ti nasao a kondisyon saan laeng nga iti pisikal a pammagina nu di ket uray iti social nga aspeto gapu ta kadawyan a saan a nalaka a patien dagiti tattao ti alergyna.
Nupay kasta, ti saan a pannangan ni Chloe iti prutas ken nateng ket saan a pampambar laeng.
