Impakaammo ti maysa kadagiti naakusaran iti kidnapping case a pimmusayen dagiti mapukpukaw a sabungeros wenno cockfight watchers a nagpukaw, uppat a tawenen ti napalabas.
Sigun kenni alias Totoy, ammona amin ti napasamak kadagiti mapukpukaw a biktima, rason a nakasagana daytoy a tumulong kadagiti pamilya dagiti biktima tapno magun-od ti hustisya.
Kinuna ni alias Totoy nga ammona metlaeng no siasino ti adda iti likudan ti pannakapukaw dagiti sabungeros.
Innayonna pay a dagiti mapukpukaw a sabungeros ket napapatay babaen iti panagaramatda iti tie wire.
Gapu iti dayta, kitkitaen metten ti Department of Justice (DOJ) ti testimonya ti nasao nga indibidual tapno maammuan ti pudpudno a napasamak.
Impetteng met ti Philippine National Police (PNP) a ti nasao nga aksyon ket maibilang kas welcome development iti nasao a kaso.
Inyebkas metlaeng dagitoy kaduada ti National Bureau of Investigation (NBI) a nakasagana dagitoy a tumulong para iti seguridad dagiti pamilya dagiti ken dagiti agtestigo.
