Binasan ken pinirmaanen ni Pope Francis dagiti dokumento kalpasan ti maikadua a “natalna a rabii” a panagnaedna iti ospital, maysa nga aldaw kalpasan nga impakaammo ti Vatican nga ipakpakita ti Santo Papa ti “bassit a panagrang-ay”.
Ni Pope Francis ket agpapa-agas sipud pay idi napalabas a lawas gapu iti sakitna a bronchitis.
Naipasidong isuna iti CT scan ken nadayagnos nga addaan iti pulmonia iti agpada a bara idi Martes, kasaruno ti nasapsapa a pannakadayagnosna iti “polymicrobial infection” ti respiratory tract daytoy.
Sigun iti Vatican iti dayta a tiempo, dagiti medical tests ket agtultuloy a mangipasimudaag iti nakaro wenno saan a nasayaat a sasaadenna.
Itay laeng kanikadua, inladawan ti Vatican a ti kasasaad ni Pope Francis ket “stable” ken ti blood tests-na ket mangipakita nga adda ti bassit a panagrang-ay.
Impadamag ti Vatican idi kalman a nagriing ni Francis ken nangan ti pammigatna iti armchair daytoy.
Sakbay daytoy, sinarungkar pay ni Pope Francis ni Prime Minister Giorgia Meloni ti Italy itay laeng, ken kinuna ni Meloni a nakitana ni Francis nga alerto ken aktibo.
