BAGUIO CITY-Nagkiddaw ti pamakawan ni San Juan Metro Manila Mayor Francis Zamora iti nagkuranganda pakairamanan dagiti police escort daytoy kalpasan iti iseserekda ditoy Baguio City a saan a nagpasidong iti mandatory triage health examination.
Sigun kenkuana, kinunana a nakaturog daytoy iti luganna kabayatan a napasamak ti nasao nga insidente ken iti saan a panangikankano ti PNP escort leader daytoy iti standard border protection measure ditoy siudad.
Nakaawat met daytoy iti nagduduma a reaksyon ken komento iti social media gapu iti panagturong dagiti grupo iti saanda a panangikankano iti border control checkpoint sadiay Kennon Road, ken iti panagturongda sadiay Baguio Country Club a saan dagitoy a naipasidong iti mandatory triage health examination.
Sigun met kenni PNP Baguio city Director Allen Rae Co, nakadanun da Mayor Zamora sadiay Kennon Road quarantine checkpoint iti oras ti 2:30PM ti Hunyo 5 pakairamanan ti innem a lugan nga addaan nakalugan nga uniformed personnel.
Nupay kasta, kalpasan a naipasardeng dagitoy iti nasao nga inspection area, kinuna ti driver ti kaunaan a nagluganan dagiti grupo a karaman daytoy iti nasao a convoy isut gapuna a nakalusot dagitoy iti checkpoint.
Inpadanun met a dagus dagiti checkpoint personnel iti BCPO traffic operations center iti nasao nga insidente ken sinurotda ti ruta a pagturungan da Zamora sadiay Baguio Country Club.
Kalpasan iti panagturongda iti nasao a lugar, nadamag dagiti grupo iti maikalkalikagum a medical health clearance ngem awan ti maipakita dagitoy isut gapuna a nabilin dagitoy a maipasidong iti triage examination.
Nupay kasta, iti panangikonsidera nga adda dagiti grupo iti destinasyonda ket adda ti naipatulod a medical personnel manipud iti City Health Service Office iti BCC tapno mangimuntar iti triage facility para iti posible a panakaipatungpal ti containment ken isolation.
Immunan a kinuna ni Mayor Benjamin Magalong a kabayatan nga adda daytoy sadiay Manila ket binilinna ti staff daytoy ken dagiti city health authorities tapno kitaen a dagiti simmarungkar a grupo ti Mayor, pakairamanan ni Mayor Zamora nu dagitoy ket maipasidong iti triage examination para iti containment purposes nu adda kadakuada ti nagpositibo iti virus.
Dagus met a nagaksyon ti CHSO kas iti panang-installda iti triage tapno maipasigurado a maisayangkat dagiti procedures ken maliklikan iti panaggaraw dagiti nasao nga indibidual ken ti dagus a panakasukimat dagitoy.
Nalawag a ti nasao a San Juan City-based police officer a nagserbi kas escort ti Mayor ket naglabsing iti panaglabsing iti quarantine protocols ken maikonsidera a nalabsing ti health ken safety protocols ditoy siudad ken saan a nasurot ti regulatory mechanism ti quarantine check ken triage examination sadiay Naguillan facility.
Kalpasan dagiti nagduduma a reklamo, nakiddaw ti atensyon dagiti maseknan nga opisyal nangruna kenni PNP Deputy Chief for Administration Police General Camilo “Picoy” Cascolan, Director ti San Juan City Police a ni Jimmy Santos, ken dagiti director ti Baguio City a ni Col. Allen Rae Co iti nasao nga insidente nangruna iti panangitunda iti peggad ti siudad kas iti saan a panangsurot ken saaan a panangikankano kadagiti health ken safety protocols.
Nupay kasta, mamati ni Mayor Magalong nga adda dagiti kaskenan nga addang a mabukel tapno saan a malablabsing dagiti nasao a quarantine protocols nu sadinu awan ti asinuman a mapalubusan, addaan man ti ranggo ti aglabsing kadagiti safety measures tapno itunda ti peggad dagiti umili.
Kiniddawna a baybay-an ti nasao nga insidente tapno maliklikan manen iti panagkamali ken panagkurang nu sadinu agserbi ladta ti amin tapno mapagtalinaed ti Baguio a nasalun-at.
Impalagip met ni Mayor Magalong iti panangsurot kadagiti border control checkpoints nu sumrek kadagiti boundaries ditoy siudad tapno maipasigurado ti kinasalun-at dagitoy kabayatan nga agtalinaedda ditoy siudad.
Impaganetget ti mayor a kas maibasar iti policy position ti City Government ket awan ti mailaksid uray anea a ranggo ken position iti panangsurot kadagiti health ken safety protocols nu sumrek ditoy siudad.
