Awan iti naipasidong iti Red Category a lugar iti Rehion Cordillera maibasar iti listaan nga inruar iti Commission on Elections.
Nupay kasta, naipasidong iti Orange Category ti Bucay, Abra nu sadino, bigbigbigen iti COMELEC nga adda iti mapaspasamak a seryoso nga armed threats nga ipatpatungpal dagiti kameng iti Communist-Terrorist groups ken daduma pay a kapada a grupo.
Sigun pay iti listaan, sangapulo a lugar iti rehion ti naipasidong iti Yellow Category pakairamanan iti Bangued, Dolores, Lagangilang, Licuan Baay, Lubuagan, Malibcong, Penarrubia, Pidigan, Pilar, ken Tayum, bayat nga innem a pulo ket innem met ti karaman iti Green Category.
Ti maysa a lugar ket mairaman iti Yellow category nu bigbigbigen ti Commission on Elections nga addaan iti maatap nga election-related incidents kadagiti napalabas a dua nga eleksyon, addaan iti nakaro a political rivalry, ken naipasidongen iti COMELEC Control.
Kabayatanna, mairaman met iti Green Category dagiti lugar nga awanan iti security concerns ken addaan iti naannayas a kasasaad seknan iti eleksyon.//Bombo Rob Dominguez
