Manamnama a sangapulo a paset ti pagilian ti makapasar ti napeggad a lebel ti heat index ita nga aldaw, Easter Sunday.
Daytoy ket sigun iti Philippine Atmospheric, Geophysical, and Astronomical Services Administration.
Manipud iti forecast ti nasao nga ahensya, dagiti lugar a mapatta-patta a makapasar ti 42°C a heat index agpangato ket dagiti sumaganad:
-Ninoy Aquino International Airport, Pasay City: 42°C
-Dagupan City, Pangasinan: 43°C
-MMSU, Batac, Ilocos Norte: 42°C
-Aparri, Cagayan: 42°C
-Puerto Princesa, Palawan: 42°C
-Aborlan, Palawan: 42°C
-Iloilo City, Iloilo: 42°C
-Dumangas, Iloilo: 42°C
-Catarman, Northern Samar: 43°C
-Butuan City, Agusan del Norte: 42°C
Kabayatanna, manamnama ti kababaan a heat index iti Benguet State University sadiay La Trinidad, Benguet a dumanon iti 25°C.
Ti heat index ket maipapan iti temperatura a marikrikna ti maysa nga indibidual no ti temperatura ti angin ken ti humidity ket nagtipon.
Maikonkonsidera a ti 42°C agingga 51°C a heat index ket napeggad wenno “dangerous.”
