Pimmusay ti sangapulo ket maysa nga indibidual gapu iti panagbettak ti factory idiay Turkey, sigun kenni Turkey interior minister Ali Yerlikaya.
Malaksid iti dayta, nadangran ti pito a dadduma pay nga indibidual gapu iti panagsabog, a rason ti panag-collapse ti pasdek.
Iti maysa a social media platform, kinuna ni Turkish President Recep Tayyip Erdogan a maladangitan unay iti nasao a damag.
Karararag ti nasao nga opisial a kaasian ti Dios dagiti immusay ken nakipagladinget daytoy kadagiti pamiliada, ken tarigagayna ti napardas a panagimbag dagiti nadangran.
Sigun kenni Turkish Justice Minister Yilmaz Tunc, nadutukanen dagiti komite ti eksperto a pakairamanan ti chemical, mechanical, occupational safety ken geophysical engineers a maamuan ti rason ti panagsabog.
Iti agdama, manarimaan ti panagreggetda tapno makumpirmar nu mano a tattao iti adda iti uneg ti pasdek iti dayta a panawen.
Kinuna ti interior ministry, nga immuna a nangipadamag a sangapulo ket dua a tattao ti natay, rinebisarna ti bilang dagiti natay iti sangapulo ket maysa gaputa ti umuna a report ket biddut a naipakaammo.
