Balligi a nakemmeg dagiti sangapulo ket pito a foreign national iti maysa nga apartment building a mapapati nga scam hub idiay Barangay Tejeros, Makati City.
Naarestar dagitoy iti inpatungpal ti Cybercrime Division ti National Bureau of Investigation.
Nabigbig met dagiti sangapulo ket lima a Chinese National, sag-maysa a Taiwanese ken Malaysian.
Maibasar iti inisyal nga imbistigasyon dagiti otoridad, naarestar dagiti nasao nga indibidual iti kaso nga investment scam ken cryptocurrency scam.
Nagresulta ti nasao nga operasyon iti pannakadiskubre dagiti computern, cellphone, SIM card ken script a maatap nga ar-aramaten dagitoy para iti modus dagitoy.
Sigun iti 28-anyos a Pilipino a kitchen helper dagitoy awan ti ideyana iti iligigal nga ar-aramiden dagiti suspek.
Kinunana a dagitoy laeng ti mangitultulod kadagiti taraon dagitoy iti kuartoda.
Gapu iti dayta, manarimaanen ti imbistigasyon ti National Bureau of Investigation no sadino ti pagtataudan dagiti kliyente dagitoy.
Iti agdama, manamnama a maiparakep dagiti dadduma a Philippine Offshore Gaming Operators, gaputa posible nga adda pakainaiganna daytoy kadagiti scam operations, human trafficking, torture ken dadduma pay.
