Pimmusay dagiti sangapulo nga indibidual bayat a minil-million a pagtaengan ti napukawan iti kuryente gapu iti Hurricane Milton idiay Florida.
Gapu iti daytoy, impetteng ni Governor Ron DeSantis iti publiko a liklikan ti rumuar iti pagtaengan tapno maliklikan ti aniaman nga aksidente.
Malaksid iti dayta,impakaamo pay ni spokesperson Erick Gill a pimmusay dagiti lima nga indibidual pakairamanan dagiti dua a senior citizens manipud iti kabangibang a lugar gapu met iti epekto ti tornado.
Innayon pay ti nasao nga opisyal nga adu metlaeng a pagtaengan ti nadadael gapu iti napigsa a tudo ken angin bayat nga agarup 90,000 met a residente ti agnanaed kadagiti evacuation centers.
Kabayatanna, imbilin met ni President Joe Biden ti pannakaitantan dagiti overseas trip gapu paylaeng iti epekto ti Hurricane milton.
