Nangipila ti Ombudsman iti malversation and corruption charges kontra kadagiti kontraktor a Cezarah Discaya, Maria Roma Angeline Rimando ti St. Timothy Construction, ken Department of Public Works and Highways-Davao Occidental officials gapu iti P96.5-million ghost flood control project sadiay Davao Occidental.
Sigun kenni Assistant Ombudsman Mico Clavano, naipila ti kaso iti Digos Regional Trial Court idi Desiembre 05, 2025.
Kabayatanna, imbilin ni President Ferdinand Marcos Jr. iti Department of the Interior and Local Government (DILG) ken Philippine National Police (PNP) a siguraduenda nga ammoda ti lokasion ni Discaya ken dagiti dadduma a napilaan iti kaso.
Innayon ni President Marcos Jr. a babaen iti daytoy, nalaka a maarestar dagiti akosado iti kanito a mairuar ti warrant of arrest.
Napilaan dagiti akosado iti kaso a malversation and corruption nga awan ti mairekomendar a piansa.
