MARYLAND, USA – Agtultuloy ti search and rescue operation dagiti otoridad iti paset ti baybay a nakadadaelan ti Baltimore bridge para iti panakabirok ti innem a bagi dagiti biktima a nairaman iti insidente.
Kagiddan daytoy ti panakaikat dagiti debris/concrete a nangpandag kadagiti lugan a natinnag idi March 26, iti agdama a tawen.
Iti interview ti Bombo Radyo kenni Clemente Laoyan III, Bombo International News Correspondent – Maryland, USA, kitkitaenda ti panaglukat ti bassit a rota para iti sumrekan dagiti barko gapu ta awan ti daduma nga alternate route malaksid iti lugar a nakapasamakan ti insidente.
Daytoy ket tapno mabangon manen ti ekonomiya gapu ta agarup walo a ribu ti naawanan ti panggedan iti port of Baltimore.
Iti agdama, in-inot metten a maik-ikkat dagiti natnag a landok ti rangtay iti nasao a karayan nupay man mabayagan ti panakadalus daytoy pakairamanan ti panakaiyakar ti karga ti commercial ship.
Kabayatanna, manamnama a sarungkaran ni President Joe Biden ti kasasaad ti nasao a lugar ita a lawas.//Bombo Marinel Rodrigo
