Kinumpirmar ni ni Securities and Exchange Commission (SEC) Company Registration and Monitoring Department Director Gerardo Fernando del Rosario nga awan iti rekord dagiti daduma a posible nga income source da Vice President Sara Duterte ken asawa daytoy a ni Atty. Manases “Mans” Carpio.
Sigun kenni del Rosario, awan ti impormasyon ti SEC seknan iti income ni VP Sara idi maysa pay laeng daytoy a pribado nga indibidual kasta metlaeng ti income ti asawa daytoy a ni Atty. Mans Carpio manipud iti legal practice daytoy.
Kasta metlaeng nga impettengna nga awan metlaeng iti record ti SEC ti compensation income ni Duterte iti nagtugaw daytoy kas vice mayor, mayor ti Davao ken kas bise presidente.
Inlawlawag metlaeng ti testigo a saan a saklaw ti mandato ti SEC ti panangirekord kadagiti inheritance, panangilako kadagiti real proterties, ken panang-appraise kadagiti gatad ti daga nga indeklara dagitoy iti SALN da.
Kabayatanna, para met iti posible nga income dagiti aggasawa manipud iti korporasyon a mannarimaan a madakdakamat iti impeachment triak, inlawlawag ni del Rosario a ti laeng igem ti nasao nga ahensya ket dagiti corporate records ken saan nga iti panangideklara kadagiti dividends.
Innayon ti testigo a ti laeng impormasyon a nakalanad kadagiti dokumento a kidkiddawen ti korte iti SEC ti mabalinda a paneknekan a pundo.
